ច្រករបៀងអូបីជាន់ឃុបឃឹតឲ្យមានការនាំចូលជីកសិកម្មសញ្ញាក្បាលគោពីស្រុកសៀម
25-July-2016 | ដោយ មែន កំសត់
ខេត្តបន្ទាយមានជ័យ៖ ជីកសិកម្មសញ្ញាក្បាលគោត្រូវគេប៉ាន់ ប្រមាណមានចំនួនរាប់សិបតោនគេចពន្ធហាមឃាត់ខុសច្បាប់និងរំលោភ កម្មសិទ្ធិ បញ្ញាដឹកពីថៃតាមរថយន្តនីសាន់ កាមរី និងគោយន្ត សរុបជាង៦០គ្រឿងដឹកចូលមកប្រទេសកម្ពុជា តាមច្រករបៀងអូរបីជាន់ត្រូវបាន មន្ត្រីមន្ទីរកសិកម្មខេត្តចេញបង្ក្រាបនៅ តាមផ្លូវភូមិសាស្ត្របន្ទាត់ព្រំដែនកម្ពុជា-ថៃ កាលពីព្រឹករហូតដល់រសៀលថ្ងៃទី១៥ ខែកក្កដា ឆ្នាំ២០១៦កន្លងមកនេះ។ ដោយ ច្រករបៀងអូបីជាន់ស្ថិតក្នុង ភូមិអូរបីជាន់ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ ឈមនឹងស្រុកគោក ធ្យូង ខេត្តស្រះកែវ ប្រទេសថៃគ្រប់គ្រដោយអង្គភាពយោធានៃភូមិភាគ៥ដែលមានលោកលោក ឡាយ ចាន់ថាជាមេបញ្ជារការ ។
សេចក្តីរាយការណ៍ឱ្យដឹងថាការនាំជីកសិកម្មហាមឃាត់ខុសច្បាប់ពីសំណាក់ ក្រុមឈ្មួញបើគ្មានការឃុបឃិតគ្នាជាមួយនឹងសមត្ថកិច្ចច្រករបៀងអូរបី ជាន់គឺមិនអាចនាំចូលបាននោះទេ។
សេចក្តីរាយការណ៍ឱ្យដឹងថា ច្រករបៀងអូរបីជាន់បានបើកដៃឱ្យក្រុមឈ្មួញចូលដឹកជីកសិកម្ម សញ្ញាក្បាលគោនិងថ្នាំកសិកម្មមួយចំនួនទៀតនាំពីប្រទេសថៃចូលមកក្នុង ១ថ្ងៃៗ រាប់សិបតោន ដោយគ្រាន់តែបង់ប្រាក់ក្បាលគោយន្តឬរថយន្ត១គ្រឿងចូលទៅដឹកជី៥ពាន់ រៀល ហើយដឹកជីចេញមកវិញបង់ប្រាក់ឱ្យសមត្ថកិច្ចឈរជើងនៅច្រកអូរជាន់១ ការុង១ពាន់រៀលថែមមទៀត ។
មន្ត្រីកសិកម្មខេត្តបន្ទាយមានជ័យដែលចុះបង្ក្រាបបាន ឱ្យកាសែតដឹងថា៖ ការបើកច្រកឱ្យមាននាំជីកសិកម្ម ខុសច្បាប់បែបនេះបានធ្វើឱ្យប៉ះពាល់ដល់សិទ្ធិផ្តាច់មុខរបស់ក្រុមហ៊ុន នាំចូលស្រប ច្បាប់ធ្វើឲ្យក្រុមហ៊ុនរកស៊ីបង់ពន្ធចូលរដ្ឋខាតបង់។ មិនតែប៉ុណ្ណោះការទិញជីកសិកម្មគ្មានប្រភពច្បាស់លាស់ និងគ្មានការទទួលខុសត្រូវធ្វើឱ្យប្រជាកសិករទិញជីកសិកម្មនោះទៅប្រើ ប្រាស់ប្រឈមប៉ះពាល់ជីក្លែងក្លាយនិងបង្កឱ្យខាតបង់ផលប្រយោជន៍របស់ ប្រជាកសិករខ្មែរយ៉ាងធ្ងន់ធ្ងរ ។
ជុំវិញសកម្មភាពឈ្មួញនាំចូលជីកសិកម្មខុសច្បាប់ តាមច្រករបៀងអូរបីជាន់អ្នក យកព័ត៌មាន បានព្យាយាមរកលេខ ទូរស័ព្ទលោក ឡាយ ចាន់ថា មេយោធា ប្រធានគ្រប់គ្រងច្រកអូរបីជាន់ដើម្បី ពន្យល់ប៉ុន្តែមិន អាច ទំនាក់ទំនងបានឡើយ ។
ចំនួនអ្នកទស្សនា
- ថ្ងៃនេះ7041
- ម្សិលមិញ6261
- សប្តាហ៍នេះ25421
- ខែនេះ140571
- ឆ្នាំនេះ140571
- សរុប20583027